Irushanwa rya Karate mu rwego rwo kwibuka ku nshuro ya 16 jenoside yakorewe abatutsi.

Irushanwa rya Karate mu rwego rwo kwibuka ku nshuro ya 16 jenoside yakorewe abatutsi.

Mu rwego rwo kwibuka ku nshuro ya 16 jenoside yakorwe Abatutsi mu Rwanda Ishyirahamwe ry’umukino wa Karate mu Rwanda FERWAKA ryateguye ku nshuro ya 3 irushanwa mu mukino wa karate, iryo rushanwa rikaba ryari riteganyijwe kuba kuri icyi cyumweru tariki ya 25/04/2010 kuri stade ntoya y’Iremera saa tatu zamugitondo(9h00).

 

Ni muri urwo rwego amakipe cyangwa Club zitabiriye iryo rushanwa zaniitabiriye igikorwa cyo gutombora uko zari guhura, zikaba zari zihagarariwe nabamwe mubatoza bazo. Icyo gikorwa cyo gutombora cyabaye kuri uyu wa gatanu tariki ya 23/04/2010 kuri Stade Amahoro. Amakipe yitabiriye iryo rushanwa ni 12 ariyo :

1. MAMARU KICUKIRO

2. U.N.R

3. SAMURAI

4. A.P.R KARATE

5. FAYT(maison de jeune Kimisagara)

6. SUPER FIGHTER FUMBWE

7 . POLICE

8. KENSEI

9. AIGLE

10. KAISHO

11. NYAMAGABE

12. KCE

Aya makipe yose yagombaga kurushanwa mu byiciro 3 aribyo :Abagabo, abategarugori hamwe n’abana. Imikino yari iteganyijwe ikaba ari ukurushanwa mu kurwana(KUMITE) ndetse no kwiyerekana bita (KATA). Hagahemba amakipe 3 ya mbere muri buri cyiciro.