I

FERWAKA iratumira abakarateka mu marushanwa yo gusoza umwaka wa 2015

Ishyirahamwe ry’umukino  wa  Karate  mu Rwanda FERWAKA, riratumira  abakarateka  bose  mu  marushanwa  yo  gusoza  umwaka  wa  2015.

Aya  marushanwa  yateguwe ku  nkunga ya Kigali Safari Express Ltd, ateganyijwe  ku  itariki ya  27  Ukuboza  2015,  akazabera  mu  Mujyi  wa  Rubavu, nk’ uko Uwayo  Theogene,  Umuyobozi  wa FERWAKA  abitangaza.

Ubutumire  muri  iri  rushanwa risoza  umwaka

Ubutumire muri iri rushanwa risoza umwaka

Yagize  ati  ” Aya  marushanwa  ngarukamwaka  azahuza  abakarateka  abahungu  n’ abakobwa  bahiganwe   muri  kata  ndetse  no  muri  kumite”

Umuyobozi  wa   FERWAKA anatangaza kandi ko,  aya marushanwa  agamije    kumenya urwego  abakarateka bagezeho,   kandi  azafasha  mu  kuvumbura  impano  nshya  zizaba  zarazamutse muri  uyu  mukino.

Umuyobozi  wa  FERWAKA akangurira  abakinnyi  bose  gutangira  kwitegura  ayo  marushanwa kandi  bakazayitabira  ari  benshi  , ndetse  akaboneraho  no gushimira  Kigali  safari  Express  Ltd yateye  inkunga  iri  rushanwa.

Aragira ati” Ni  iby’agaciro  gakomeye  kubona  umuterankunga  w’irushanwa nk’iri  risoza  umwaka  kuko rihuza  abakinnyi  bo  mu  gihugu hose  kandi  riba  riremereye, nkaba  rero  nshimira  uyu muterankunga  wadufashije  kandi  nsaba  n’abakarateka  bose  kwitegura  neza  kugirango  tuzaryoshye  irushanwa,  bitere n’abandi baterankunga  kuba  batugana  ngo  badufashe  gutera  imbere  “.

 

Roger  Marc  RUTINDUKANAMUREGO

FERWAKA.COM